ມອບເຄື່ອງຊ່ວຍເຫຼືອ ກອງບັນຊາການທະຫານແຂວງເຊກອງ
ວັນທີ 27 ກັນຍາ 2023, ບໍລິສັດດາກຈຶງສຳຫຼວດແຮ່ທາດ ປະຈຳແຂວງເຊກອງ ຈຳກັດ ໄດ້ມອບເຄື່ອງຊ່ວຍ ເຫຼືອໃຫ້ກອງ
ບັນຊາການທະຫານແຂວງເຊກອງ ເປັນປະເພດເຄື່ອງອຸປະກອນ ແລະ ເຄື່ອງກິລາຈຳນວນໜຶ່ງ ລວມມູນຄາ 8.500.000 ກວ່າກີບ,
ໂດຍການກ່າວມອບຂອງ ສະຫາຍ ວິທະຍາ ບໍລິວົງ ຫົວໜ້າຫ້ອງການ ບໍລິສັດ ດາກຈຶງສຳຫຼວດແຮ່ທາດ ປະຈຳແຂວງເຊກອງ ຈຳກັດ
ແລະ ກ່າວຮັບຂອງ ສະຫາຍ ພົນຈັດຕະວາ ທອງສີ ກຸນສະນະ ຫົວໜ້າການທະ ຫານກອງບັນຊາການທະຫານແຂວງເຊກອງ, ມີຄະ
ນະຜູ້ຊີ້ນຳວຽກງານກິລາ ແລະ ອົງການກ່ຽວຂ້ອງເຂົ້າຮ່ວມ.
ສະຫາຍ ວິທະຍາ ບໍລິວົງ ໄດ້ກ່າວໃຫ້ຮູ້ວ່າ: ເຄື່ອງຊ່ວຍເຫຼືອທີ່ນຳມາມອບໃນຄັ້ງນີ້, ແມ່ນເປັນການອຸປະຖຳຊ່ວຍເຫຼືອລ້າຢ່າງຈິງ
ໃຈ ເພື່ອແນໃສ່ປະກອບສ່ວນຊຸກຍູ້ເຂົ້າໃນຂະບວນການວຽກງານຮອບດ້ານ, ໂດຍສະເພາະແມ່ນເລັ່ງໃສ່ການສ້າງຂະບວນການແຂ່ງຂັນ
ກິລາ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້ມີບັນຍາກາດຟົດພື້ນ ແລະ ຕໍ່ເນື່ອງ.
ສະຫາຍ ພົນຈັດຕະວາ ທອງສີ ກຸນສະນະ ກໍໄດ້ກ່າວສະແດງຄວາມຂອບໃຈມາຍັງ ບໍລິສັດດາກຈຶງສຳຫຼວດແຮ່ທາດ ປະຈຳແຂວງ
ເຊກອງ ຈຳກັດ ທີ່ເຫັນໄດ້ປະກອບສ່ວນອຸປະຖຳຊ່ວຍເຫຼືອໃນຄັ້ງນີ້ ພ້ອມທັງ, ໃຫ້ຄຳສັນຍາວ່າຈະນຳເອົາເຄື່ອງຊ່ວຍເຫຼືອດັ່ງກ່າວໄປ
ໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຕົວຈິງໃຫ້ໄດ້ຮັບຄຸນນະພາບສູງ.
ແຫຼ່ງທີ່ມາ: ກອງຄຳ ຈິ່ງດ້າຍອດ
ວັນທີ 06/11/2023